Nasjonale prøver i matematikk sto i går på timeplanen for tiandeklassingar over heile landet. Men gjennomføringa av dei nasjonale prøvene som utdanningsminister Kristin Clemet har innført i skulen, har no fått to alvorlege skot for baugen: I går vart det kjent at gruppa Elevaksjonistane måndag la ut den nasjonale matteprøva på internett, og mange tusen elevar var dermed kjent med prøva på førehand. I tillegg krev Utdanningsforbundet no stans i dei nasjonale prøvene. I brev til kyrkje-, utdannings- og forskingskomitéen i Stortinget kjem lærarorganisasjonen med ei sterk oppmoding om prøve-«time-out» fram til 2007.