BIG 2nd episode (Show/Business)Teaterhuset Avant Garden – Rosendal sceneAv og med SuperamasMed gjennomført bruk av musikk, video, playback og repetisjonar greier det fransk-austerrikske teaterkompaniet Superamas å syne oss eit spegelbilde av vår overflatiske postmoderne samtid der alt er like(-)gyldig. BIG 2nd episode (Show/business) er samtidskritisk, og i så måte politisk, men det meste av det som blir formidla på scena er sagt før, og såleis slår gruppa inn vidopne dører. Men dei gjer det så sikkert, og med slik humor og eleganse, at det likevel blir godt teater.