I løpet av april skal Stortinget etter planen behandla framlegget om å slå saman Likestillingssenteret, Likestillingsombodet og Senter mot etnisk diskriminering (Smed). Dette framlegget har vekt ei rekkje motførestillingar. Likestillingssenteret og likestillingsdirektør Long Litt Woon har gjort det klart at dei ikkje støttar ei samanslåing av ombodet og Likestillingssenteret, mellom anna ut frå at handheving av lova og breitt pådrivararbeid er ulike funksjonar, som også arbeider ut frå ulike metodar.