Den tidlegare Ap-statsråden Hallvard Bakke har gjennom si rolle som fast kommentator i Dagsavisen markert seg som ein sterk kritikar av etablert norsk politikk på fleire sentrale område. Mellom anna er han mot norsk medlemskap i EU. Og han er sterkt kritisk til pengepolitikken til sentralbanksjef Sven Gjedrem og Den norske bank. Men så ikkje i den viktigaste politiske saka denne våren – spørsmålet om innsparing i folketrygda. Hallvard Bakke meiner regjeringa sitt framlegg til pensjonsreform tar godt hand om pensjonane i framtida. Og han går ut frå at det vil vera naudsynt å redusera dei offentlege pensjonskostnadene i framtida.