Stortinget avviser etter alt å døme sentrale punkt i regjeringa sitt framlegg til ny og liberalisert universitetslov. Før det la statsråd Clemet til sides eit endå meir ytterleggåande forslag frå Ryssdalutvalet. Begge delar er eit tilbakeslag for den marknadsorienterte styringstenkinga, som i fleire år har vore på frammarsj. Dette bør vere til inspirasjon for krefter som ønskjer ei anna utvikling enn stadig meir New Public Management (NPM).Dei siste 20 åra har det vore gjennomført ei rekkje endringar og reformer i offentleg sektor. Det var Stoltenberg-regjeringa (2000-2001) som for fullt tok til å kalle omstilling i offentleg sektor for modernisering.