Eit samrøystes Storting kravde sist sommar at barn og unge som hadde budd lenge i asylmottak, skulle få bli i landet. No kan det komma ei rettssak som prøver Utlendingsnemnda (UNE) si tolking av forskrifta som kom etter stortingsvedtaket. Fembarnsmora som har blitt nekta opphald, medan barna får bli i Noreg, har valt å gå til sak mot staten for å få gjort om vedtaket frå UNE:Advokat Jan Magne Eidsvik fører saka for den makedonske kvinna som så langt har blitt nekta retten til å bli i landet i lag med dei fem barna sine – Nderim (3), Besar (10), Lazime (11), Zelije (17) og Aferdita (19). Hovudpåstanden er at vedtaket i UNE er ugyldig.