Figuren viser verdien av Statoil-privatiseringa og den foreslåtte privatiseringa av norsk pensjonssparing. Det er opna for å selja 33,3 prosent av aksjane i Statoil, som i går hadde ein marknadsverdi på 215,6 milliardar kroner. Blir kutta i folketrygda kompensert med private ordningar, aukar dette den innskotne kapitalen i private forsikringsselskap med 2648 milliardar kroner (2003-kroner) anno 2050. Denne summen er Pensjonskommisjonen si nedskalering av dei totale offentlege forpliktingane i 2050, som inkluderer all alderspensjon innbyggjarane har tent opp i folketrygda på det tidspunktet. Summen inkluderer ikkje pensjon som er utbetalt fram til 2050.