– Framlegget om å leggja ned ein sengepost på kirurgisk avdeling i Harstad er dropen som får begeret til å renna over, seier Trine-Lise Fossland, leiar for Hålogalandssykehusets venner i Harstad. I alle helseregionane ligg det føre planar om budsjettkutt som kan få dramatiske følgjer for helsetilbodet i distrikta. I desember gjekk folk i Nordfjordeid i fakkeltog i protest mot sjukehuskutt. I morgon går det fakkeltog i Harstad.