«Den som har ei årsinntekt på 350.000 kroner, må betala 17.500 kroner meir i skatt heile sitt yrkesaktive liv». Det var finansminister Per Kristian Foss si forklaring 10. desember på korleis lønnstakarane blir ramma dersom pensjonsreforma ikkje blir gjennomført, og auka pensjonskostnader må finansierast over skattesetelen. Men finansministeren sa ikkje noko om når ein fem prosent auke av skatteinnbetalinga kan bli nødvendig. No stadfestar Finansdepartementet at dette ikkje vil gjelda frå 2010, som er forventa startår for pensjonsreforma, men sannsynlegvis først omkring 2050.