I juni 2002 braut Norsk Omsorg og Rehabilitering (NOR) kontrakten med Oslo kommune om drift av Vinderen bo- og servicesenter. Det viste seg at kontraktsummen var heilt urealistisk, det var ikkje mogeleg å driva sjukeheimen forsvarleg innafor dei avtalte økonomiske rammene. NOR kasta korta etter vel eitt års drift, sjølv om kontrakten var inngått for tre år. Bydelen måtte overta drifta, og kommunen sitt prosjekt med konkurranseutsetting fekk ei kraftig ripe i lakken.