Når Kjartan Fløgstad i pamfletten «Brennbart» dreg fram den ideologiske øksa og slår vilt og nådelaust mot fascismen, riksmålsbrukarane og stort sett alle som kjem i vegen, er det så ein er frista til å ta halen mellom beina og springe til fjells. Når eg likevel torer å stikke fram hovudet, er det fordi han har vore så venleg å gje meg eit særskilt vern. Vest- og Sørlendingar var, og er etter det eg kan forstå, immune mot vondskapen til den autoritære og totalitære høgresida.