Landsstyremøtet i SV skal denne helga leggja grunnlaget for den vidare pensjonsdebatten i SV fram mot landsmøtet i april 2005. Eit vedtak frå sentralstyret slår fast at «universell folketrygd», den modellen SV-nestleiaren Henriette Westhrin la fram i Pensjonskommisjonen, vil vera SV sitt utgangspunkt i stortingsbehandlinga av pensjonsreforma. No åtvarar SV-veteranen Rune Skarstein, sosialøkonom og førsteamanuensis ved Norges teknisk-naturvitenskapelige universitet (NTNU), mot at landsstyret legg Westhrin-modellen til grunn for den vidare debatten, og han meiner sentralstyrevedtaket er uklart på vesentlege punkt.