Måndag startar Beate Olsen, hovudtillitsvald for Handel og kontor-medlemmene i Norgestaxi i Bergen, i ny jobb. Ho er ei av fem som har sagt opp jobben i Norgestaxi i Bergen i løpet av dei to siste månadene. Årsaka er klar: Lønna er for dårleg. Det er også grunnen til at dei HK-organiserte gjekk til streik sist måndag, og til at dei har varsla opptrapping av streiken frå 11.november.