Politiet i Sør-Trøndelag har til 1. september i år fått melding om 312 tilfelle av familievald, mot 234 tilfelle på same tid i 2003, det vil seia ein auke på 33 prosent, melder Adresseavisen. Familievaldskoordinator Martha Kielland ved Sør-Trøndelag politidistrikt seier til avisa at noko av auken kan komma av at mørketala no kjem meir fram i lyset, men ho trur ikkje det er heile forklaringa.95 prosent av det som blir registrert som «familievald» er vald utøvd av menn, og omfattar mellom anna seksuelle overgrep, slåssing, psykisk terror og trugsmål i heimen. Valden blir utøvd i alle sosiale lag og av ulike aldersgrupper.