– Dei fattige blir hardast ramma av hiv/aids. Fattigdommen er eit produkt av noko, og vi må fjerna årsakene. Det mest effektive å sletta gjeld som utviklingslanda har. Det meiner Pauline Muchina, teolog frå Kenya. Ho er for tida busett i Washington i USA og arbeider som koordinator i den internasjonale organisasjonen Populations Services International (PSI). Denne helga er ho ei av innleiarane på Globaliseringskonferansen i Oslo, som Kvinnefronten sin gjest.