Det koker i fagrørsla i Tromsø. Før kommunevalet i 2003, da Herman Kristoffersen var klar til å gå på sin andre periode som Ap-ordførar i Tromsø, sende han eit personleg brev til dei tilsette i det kommunale busselskapet Tromsbuss. I brevet fortalde han at Arbeiderpartiet har programfesta at Tromsbuss også i framtida skal vera eit offentleg selskap, og at Ap heller ikkje ville støtta eventuelle andre parti som ville gå inn for privatisering.