I morgon skal tusenvis av bøsseberarar gå frå dør til dør over heile landet og samla inn pengar til tv-aksjonen «Hjerterom». Kirkens Bymisjon og Rådet for psykisk helse skal dela resultatet, og pengane skal gå til ei lang rekkje konkrete tiltak til beste for menneske i psykisk og/eller sosial naud. Mange har rista på hovudet over at pengeinnsamling frå privatpersonar skal finansiera slike tiltak, parallelt med at regjeringa stadig kuttar ned på løyvingane til tiltak som burde vera ei opplagt offentleg oppgåve.