Dei siste vekene har det vore eit interessant ordskifte i Klassekampen, med utgangspunkt i Bjørn Vassnes sin artikkel «Kampen om papayaen» (15.9). Hovudpoenga der var at: 1. Europa er siste utposten til GM-motstanden, og: 2. Ved sin motstand går miljøorganisasjonane i praksis storkapitalens ærend. John Y. Jones (KK 27.9) går til motangrep og skildrar «gode» genmodifiserte planter (GMP) som «ubekreftet reklamestoff» og «ektefødt barn av markedsliberalismen». «Hvem trenger genmanipulerte papayaer?» spør han. Vassnes svarar (29.9) med å gjenta at genmodifisering er komen for å bli. I eit tredje innlegg (1.10) stiller Magnus Kaldhusdal spørsmålet om venstresida ukritisk forsømmer og fordømmer den naturvitskaplege utviklinga.