«Vi vil videreutvikle velferdsordningene og bekjempe fattigdomsproblemene i Norge.» Det var eitt av hovudpunkta i Kjell Magne Bondevik sin tale da han gjekk på som statsminister for knapt tre år sia. Men skilnadene mellom fattige og rike i Noreg har auka dramatisk i løpet av Bondevik si tid som statsminister. Toppleiarane får stadig meir å rutta med, og dei fattige barna blir fleire og får det vanskelegare. Ein kraftig auke i talet på arbeidslause, og særleg i talet på langtidsarbeidslause, er ein av grunnane til at det blir fleire fattige. Dette går fram av rapporten «Forskjells-Norge 2004» som er utarbeidd av SV.