I romanen «Lord Jim» (1900) fortel Joseph Conrad om ein førstestyrmann som i unge år gjorde det ingen sjøoffiser kan tillate seg, Det Umoralske, sjølve den yrkesetiske Ursynda: Då skipet - som var fullt av passasjerar, muslimske pilegrimar - såg ut til å vere ferdig til å søkkje, stiltra han seg ned i ein livbåt, ein av dei få på skipet, saman med dei andre offiserane. Han rømde. Skipet var fullt av menneske, men mangla livbåtar. Tilfeldigvis overlevde alle. Dermed kom saka opp.