Om lag 600.000 arbeidstakarar i Noreg er utan tenestepensjonsordningar, går det fram av ein rapport som forskningsinstituttet Fafo la fram i går. Dermed er talet på dei som manglar tenestepensjon vesentleg redusert frå dei om lag 900.000 Pensjonskommisjonen opererer med i si innstilling. Samstundes er det framleis flest i lågtlønnsyrka som ikkje har pensjonsordning. Varehandelen og hotell- og restaurantbransjen er dei bransjane som i minst grad har tenestepensjonar, heile 246.000 tilsette i desse bransjane er i dag utan tenestepensjon. Berre for desse bransjane vil ei innføring av ei slik minimumsordning gi ein samla premiekostnad på om lag 2,1 milliardar kroner i året.