Regnet heng tungt over ein vestlandsfjord. Det kunne ha vore nok ein skoddegrå haustdag. Men det er det ikkje. For i dag kysser ti tusen dråpar fjorden. Eg ser det heile frå vindauga medan songane frå den nye cden til Transjoik fyller den lune stova. Eg drikk kakao og er varm i magen min. Tenkjer på ei fin jente eg møtte. Og lyttar til dei fire, Nils-Olav Johansen, Frode Fjellheim, Tor Haugerud og Snorre Bjerck, i Transjoik.