Folk som kjem frå EU-land må no betala dyrt for å læra seg norsk i Noreg. Fram til 1. januar i år kunne alle utlendingar som ønskte det, få gratis norskopplæring, varierande frå 500 til 3000 timar, alt etter kva vedkommande hadde av skolebakgrunn. No kostar det 3200 kroner for eit intensivkurs som varer 48 timar. Innføringa av betaling for norskkursa har ført til at elevtalet ved Rosenhof voksenopplæringssenter i Oslo har gått ned med mellom 20 og 30 prosent, fortel rektor Tone Amdal.