«I was poor, black and blind», har han uttalt. Tre ting på ein gong! Men Steveland Morris har reist langt sidan oppveksten i Detroits svarte ghetto på 1950-talet. Torsdag reiser den 54 år gamle utgåva av «The Twelve-Year-Old Genius» heilt til Romsdalsmuseet i Molde. Ein av verdas beste jazzfestivalar reklamerer i år med eit av dei største musikktalenta i musikkhistoria. Det må bli bra. Nei, det må det ikkje. Etter 1980 har det ikkje vore så jævleg bra, eigentleg. I dag tenkjer nok dei fleste på «I just called to say I love you» når du seier Stevie Wonder.