Tidlegare i sommar las eg ein slags gonzoartikkel i denne avisa. Handlinga var lagt til litteraturfestivalen på Lillehammer og i hovudrolla fann vi journalist Aslak Nore som rava rundt sitt eige ego. Ei rekkje bipersonar var også verd å merke seg, blant dei landets kjende forfattarar og forleggjarar - og ei mystisk elegant kvinne, som heile spenninga var bygd opp om. Kvinna må ha vore svært vakker då ho var ung, får vi vite, underforstått: er ho framleis attraktiv for helten i dette absurdteatret?