52 prosent av medlemmene i Utdanningsforbundet på KS-området, det vil seia heile landet utanom Oslo, var med i avrøystinga i tariffoppgjeret, og av dei som røysta, svarte 89 prosent ja. Forbundsleiar Helga Hjetland seier i ei pressemelding at ho er glad for svaret frå medlemmene. Dette er det første tariffoppgjeret med Kommunenes sentralforbund (KS) som forhandlingsmotpart for dei tilsette i skoleverket. I Oslo kommune samla stemte 72 prosent ja til det framlegget. På dette tariffområdet deltok 55 prosent av dei som har røysterett i uravrøystinga. I skoleverket i Oslo røysta 52 prosent, og 85 prosent av dei sa ja. Av dei andre medlemmene i Utdanningsforbundet Oslo deltok 66 prosent, og berre 29 prosent sa ja til tilbodet om tre lønnssteg som kompensasjon for at dei barnehagetilsette mistar ni dagar tenestefri.