Klassekampen skreiv sist veke om Fagerli avlastningssenter, eit tilbod for psykiatriske langtidspasientar. Byrådet i Oslo vil avvikla Fagerli før pasientane har fått fagleg forsvarlege tilbod i dei bydelane dei tilhøyrer, noko dei etter opptrappingsplanen for psykiatrien har krav på.I mai vedtok bystyret krav til byrådet om at ingen pasientar skulle flyttast frå Fagerli til mellombels løysingar utanfor kommunen medan dei venta på tilbod i bydel. Dette vedtaket har blitt tolka ulikt av dei ulike partia i bystyret. Byråd Margaret Eckbo (Frp) sa til Klassekampen sist veke at ho meinte det ville vera i tråd med bystyrevedtaket om somme pasientar fekk permanent plassering utanfor kommunen.