Etter at Jarl Hellesvik i Klassekampen 18. mai presenterte alvorlege konfliktar mellom Grunnlova og forslaget til konstitusjon for EU, har det blitt fart på debatten. Jusprofessor Hans Petter Graver konkluderte i Aftenposten 29. mai med at §93 i Grunnlova ikkje lenger opnar for EU-medlemskap: Unionen får for mykje makt til at det kan passera som «sakleg avgrensa område». Aps Kjell Engebretsen lovar no at det kjem endringsforslag til Grunnlova før Stortinget blir oppløyst 30. september.