Seniorforskar Knut Røed ved Frischsenteret lanserer eit fagleg innspel som kan snu om på heile den norske skattedebatten: – Omfordeling og effektivitet kan gå hand i hand. Vi kan med andre ord både gjennomføra ei jamnare fordeling av den økonomiske «kaka» og samtidig gjera kaka større, seier Røed til Klassekampen. Under landsmøtet til Høgre tidlegare denne månaden, ropte den påtroppande Erna Solberg frå talarstolen: «Lavere skatt gir mer velferd!». Påstanden byggjer på ein av dei mest inngrodde sanningane i økonomfagleg skattedebatt: At det må vera ein direkte motsetnad mellom omfordeling og effektivitet. I artikkelen «Blir kaka mindre når den fordeles jevnere?» tek Røed oppgjer med denne førestillinga.