I kronikken i Klassekampen 18. mai freistar Torstein Dahle å antyda at eg synest arbeida til «historikaren» David Irving er gode kjelder. Han hevdar også at eg «følger med på Irvings hjemmesider og gir KK-forums lesere nyheter derfra». Ingen av delane stemmer. Derimot har eg ved eit par høve kome over artiklar på heimesidene hans henta frå langt meir truverdige kjelder som eg har vidareformidla - mellom anna ein lengre artikkel frå Financial Times. Fleire i dette ordskiftet brukar Irvings nettstad som kjelde på den måten, mellom anna Tor Bach.