Der finst ein lang tradisjon for å oppfatta menn og kvinner som uforlikelege motsetnader. Ein tenker seg at mennene høyrer til på eitt lag og kvinnene på eit anna, og at dei har heilt ulike mål med livet. Mennene forstår einannan, men dei forstår ikkje kvinnene, og bør heller ikkje gjera det. Helst skal ein mann ikkje bruka meir tid saman med kvinner enn han treng for å få plassert sæden sin. Straks det er gjort, skal han skunda seg tilbake til dei andre mennene og avlegga rapport.