Snart skal det bli slutt på røykinga, men eg blir ikkje så irritert. Det er mykje streiking for tida, og eg blir ikkje så irritert. Eg hamstrar ikkje, eg er avbalansert og oppfører meg ordentleg, for eg har høyrt butikkane seie at det er nok til alle i minst to veker til dersom ingen kjøper meir enn dei treng. Rett nok handlar eg kvar dag, sjølv om eg ikkje treng det. Og eg kjøper ekstra pålegg kvar dag, sjølv om eg ikkje treng det. Og eg har tre pakkar dopapir, som eg har kjøpt i tre forskjellige butikkar slik at butikkpersonalet ikkje skulle sjå at eg kjøpte så masse dopapir. Difor syntes eg det var heilt på sin plass å fnyse då eg la merke til ei jente som styrta mot hylla med dopapir då ho blei var at det hadde blitt fylt på; butikken hadde fylt på med haugevis av pakkar med eit for meg ukjent merke dopapir. Jaså, redd for å få for lite dopapir, jenta mi? smilte eg hånleg bak ryggen hennar.