HRAF-streiken har ikkje ført til produksjonsstans på Kollsnes og Aker Stord, men temperaturen stig etterkvart som Eurest, som driv kantiner og anleggshotell, set i verk det som blir oppfatta som streikebryteri. Etter dei opplysningane Klassekampen har fått frå tillitsvalde i både Hotell- og restaurant og Fellesforbundet, er det omfattande streikebrytarverksemd som går føre seg. Tilsette som vanlegvis arbeider deltid får utvida arbeidstida si til 100 prosent, og det dukkar opp arbeidstakarar som er nye og ukjende for dei fast tilsette.