Ei av endringane regjeringa varslar i kommuneøkonomiproposisjonen som vart lagd fram i går, er at delar av selskapsskatten igjen skal tilbakeførast til kommunane. Dette har vore eit krav frå mange einsidige industristader sia kommunane mista denne inntekta i 1999. Men når tilbakeføringa av selskapsskatten blir kombinert med andre endringar, vil berre ein del av dei einsidige industristadene komma positivt ut av denne omlegginga. Sauda vil få to millionar meir i 2005, medan Årdal vil tapa nesten fem millionar.