- Frihandel mellom fattige og rike land fører ikkje til utjamning. Dette er det fundamentale poenget i debatten om fattigdom og utvikling, seier sosial- og siviløkonom Erik Reinert til Klassekampen. Reinert er utdanna ved Harvard, tidlegare forskingsleiar i Norsk investorforum og seniorforskar ved Senter for utvikling og miljø ved Universitetet i Oslo. Han minner om at USA ikkje ville ha frihandel då Storbritannia hadde den sterkaste industrien. Amerikanarane hadde ein industritoll på over 100 prosent på strategiske varer som stål, godt inn på 1900-talet.