«Svært mange hevder at ulikheten i verden har økt de siste tiårene, og at dette skyldes globaliseringen. Dette er feil. Forskjellene mellom land og individer har tvert imot blitt mindre» (frå tankesmia Civitas bok Åpen verden, mars 2004). Dette er ein kjerne i forsvaret for 25 år med internasjonal nyliberalisme – ofte kalla «globalisering». Kritikarane av nyliberalismen hevdar det stikk motsette: Talet på ekstremt fattige aukar og skilnaden mellom Nord og Sør blir større. Verdsbanken er den viktigaste leverandøren av tal og statistikkar i den gloheite debatten om verda går i rett eller gal retning. På grunnlag av «den best tilgjengelege dokumentasjonen», slår Verdsbankens forskingssjef David Dollar fast at «den noverande bylgja av globalisering, som tok til rundt 1980, har faktisk fremja økonomisk utjamning og redusert fattigdommen». Professor Robert Hunter Wade ved London School of economics kjøper ikkje Dollar utan vidare .