Ideologane bak eit hegemonisk maktsystem (også kalla imperium) har tradisjonelt vist til idear av eit høgare slag. Dei har stått fram med eit religiøst eller moralsk kall. Rett nok kan det gå hardt for seg i nyleg erobra område, der er valdsverk og massakrar, men hendingane blir sveipte i eit slør som helgar det meste, det sløret som vokabularet for det Gode utgjer. Det heile ovrar seg då som ei slags frelsing: Fridomens Rike er nær!