Den kunne sjå ut som ei verkeleg gladmelding for alle som bryr seg om situasjonen for barn og ungdom i asylmottak, pressemeldinga som kom frå Erna Solberg tysdag denne veka. Kommunalministeren har instruert både Utlendingsdirektoratet (UDI) og Utlendingsnemnda (UNE) om å prioritera saksbehandlinga av omgjeringssøknader frå barn og barnefamiliar som har vore i Noreg i to år eller meir etter eit endeleg avslag på asylsøknaden. Men dersom dette berre skal gjelda dei som har vore to år i landet etter endeleg avslag, vil svært få nyta godt av dette nye grepet frå kommunalministeren.