Kvinnerettsekspertar, kvinneorganisasjonar og ein del politikarar meiner det er svært viktig at FNs kvinnekonvensjon blir inkorporert i den norske menneskerettslova. Regjeringa vil plassera konvensjonen i likestillingslova, medan Justisdepartementet (JD) stiller spørsmålsteikn ved om konvensjonen i det heile bør bli ein del av norsk lovverk. I høyringsrunden gjekk 77 av 79 høyringsinstansar inn for inkorporering i menneskerettslova, medan JD og Regjeringsadvokaten var dei einaste som gjekk imot dette.