Bergen har til no hatt ein sentral administrasjon for morsmålsundervisinga, og morsmålslærarane har undervist på dei skolane der elevane går. Det har gitt morsmålsundervising til 97 prosent av dei elevane som har krav på slik undervising. Oslo har sia 1993 hatt ei ordning som har overlate til kvar einskild skole å vurdera om elevane skulle få undervising i morsmålet eller ikkje. I dag får vel 40 prosent av dei minoritetsspråklege elevane i Oslo morsmålsundervising.