Ved årsskiftet sette Utlendingsdirektoratet (UDI) i gang tiltak for å få flyktningar som har fått avslag på asylsøknad og ikkje har lovleg opphald i landet til å forlata asylmottaka, og helst også landet. 320 brev vart sende ut med varsel om utreisefrist og tilbod om frivillig retur. Berre 66 har til no tatt imot tilbodet om hjelp til å reisa tilbake til heimlandet. 45 av mottakarane hadde forlate mottaket før brevet kom fram. Seinare har omlag hundre anten forlate mottaka på eiga hand, eller blitt uttransporterte av politiet.