Leiar Svein Tuastad i Attac Rogaland sitt innlegg i Morgenbladet 5.-11. mars 2004 kom med fleire utsagn til debatt. Tuastad spør seg om Morgenbladets Stein I. Jørgensens analyse er rett: At Attac Norge er i ferd med å fjerne seg langt frå sine kjernesaker. At organisasjonen er i ferd med å reduserast til eit keisamt ekko av SV og RV og at dette medfører at det etter kvart vil bli bruk for eit Real Attac som konsentrerer seg om Attacs kjernesaker. Dersom ein søker å polarisere ulike ståstadar i Attac kan eit og fleire tomrom oppstå. I denne debatten bør ikkje målet vere å reise debatten om vegvalg for Attac Norge og samstundes fastslå at går ein inn for kamp mot privatisering så fråskriv ein seg eigentleg debatten om global rettferd. Målet må vere å like mykje stille spørsmåla som å komma med svar på korleis ein rettferdig og demokratisk verden er mogleg i forhold til økonomi og handel.