Regjeringa la fredag fram langtidsplanen sin for modernisering av forsvaret. Mindre spesialiserte einingar, mindre skilje mellom våpengreinene og stor satsing på modernisering av utstyrsparken skal føre forsvaret inn i den nye tida. Dei vil også satse på å få inn den mest motiverte ungdomen, og skal gjere dette ved å sørgje for at relevant utdanning i forsvaret gir studiepoeng på lik linje med sivil utdanning ved universitet og høgskular. I tillegg vert dimmegodtgjerdsla nesten dobla frå 8.900 kroner i dag, til 15.000 kroner i 2005. Og for å auka rekruttering av kvinner skal alle kvinner innkallast til frivillig sesjon.