Heile Røros og store delar av nabokommunane var på beina for å forsvara Røros-sjukehuset onsdag kveld. Fakkeltoget med om lag 3000 deltakarar fylte Bergmannsgata og Spell-Ola-veien, den pensjonerte stigeren Kjell Prytz ringde i den tradisjonsrike hyttklokka, som gir lyd berre i heilt spesielle høve, medan toget passerte forbi i ti-tolv kuldegradar. Bingoen i ei av nabobygdene var utsett, butikkane stengde tidlegare enn vanleg av omsyn til fakkeltoget, og folkemøtet avslutta så tidleg at fotballentusiastane kunne få med seg det meste av Rosenborg-kampen på tv. I forhold til innbyggjartalet måtte ein tilsvarande demonstrasjon i hovudstaden hatt om lag 400.000 deltakarar for å kunna måla seg med sjukehusmønstringa på Røros onsdag.