For tjue år sia gjorde vegarbeidaren Ole-Johan Nikodemussen (73) ein observasjon som sette han på sporet av ei eineståande biletsamling i Paris. Det kom til å bli viktig for det arbeidet han har utført og framleis utfører som slektsgranskar frå sitt to gonger tre meter store kontor i heimen i Kokelv i Vest-Finnmark. Her har han datamaskin og faks, og rad på rad med arkivboksar. Her ser vi også boksar med tittel «Oppdrett 1», «Oppdrett 2» og «Julekort og sanger», så det er tydeleg at dette er ein mann med interesser på mange område. Og her heng diplomet for 25 års trufast teneste i Vegvesenet.