** Maris Verpakovskis, det var fotballspelaren som skaut Tyrkia ut or og Latvia inn i fotball-EM i Portugal no til sumaren. Venteleg fær me honom på skjermen frå Portugal. Det engelske bladet «The Guardian» held honom for ein av seks spelarar det er vel verdt å sjå i 2004. Til no har Verpakovskis spelt i heimlandet Latvia for Skonto Riga som er like so einerådande på toppen av latvisk fotball som Rosenborg er i norsk. Fleire vesteuropeiske klubbar har vore ute etter honom, engelske Arsenal og Wolverhampton og italienske Roma og Lazio. Men 24 år gamle Verpakovskis har valt å halde seg i Aust-Europa og dreg no i januar til Dynamo Kiev i Ukraina. Det er storlaget i aust. Dynamo Kiev har vore seriemeister i Ukraina ti vendor, og kuppmeister seks, i 1975 vann klubben UEFA-kuppen, og meir enn trettan allsovjetiske meisterskap var det ingen andre klubbar som tok, og Dynamo Kiev syner seg jamt fram i den gjæve europeiske meisterligaen.