Vi er i ein epoke med gigantiske omveltingar. Endåtil konservative må medgi at i dag er kapitalismen under åtak for første gong sidan kommunismen fell saman. Han har kome under åtak på tre frontar. Opprøret til dei ekskluderte «marginale» legg seg oppå opprøret til middelklassen, og arbeidarmotstanden er attende etter år med nederlag og demoralisering. Ein mangfaldig koalisjon av rørsler mot nyliberalt økonomisk diktatur har ikkje vorte splitta sidan han dukka opp i Seattle i 1999, men to klare polar – ein reformistisk og den andre revolusjonær – har oppstått. Det franske Attac vart tiltrekningskraft for meir moderate tendensar. Ulike trotskistiske og revolusjonære grupper danna ein motsett pol. Og mange fleire grupper og folk fins mellom desse.