Det er slike dagar dei drøymer om, arkeologane, når dei sit i nedstøva arkiv og lèt tankane fare eller ligg på alle fire i åkeren med teskeia og lengtar vekk: 26. november 1922 gjekk dei britiske arkeologane Howard Carter og Lord Carnarvon som dei fyrste menneska på 3000 år inn i Kong Tutankhamens grav. I gravkammeret fanst tusenvis av upriselege kunstgjenstandar inkludert gullkista med mumien av tenåringskongen.