Ut på kvelden 19. november 1969 vart det med eitt heilt stille på eit fullsett Maracana stadion. Motstandar-laget Santos har fått straffespark, dei 80.000 heimetilhengarane er lydlause; Pelé skal ta straffen. Sekunder etter kjem brølet som berre finst ein plass i heile verda, på kveldshimmelen over Maracana stadion. Ikkje som ein hyllest til eigen keeper; ikkje som spontan glede over ein sjelden bom frå fotballguden. Pelé sette straffen i mål og skårte dermed sitt mål nummer 1000 som profesjonell fotballspelar. Heimetilhengarane på Maracana stadion såg idrettshistorie. Og dei visste det.