Ein engasjert debatt og ei eiga avrøysting måtte til, men: Godt over halvparten av delegatane på landsmøtet i Utdanningsforbundet, som vart avslutta torsdag, støtta kravet om 6-timars normalarbeidsdag med full lønnskompensasjon. Medan det var full semje om å arbeida for at uønska deltid skal reduserast, og at ein ønskjer å redusera den gjennomsnittlege arbeidstida, var landsmøtet i Utdanningsforbundet altså delt i synet på sekstimarsdagen. Somme av delegatane frykta sekstimarsdagen kan føra til at lærarane må gjera same jobben på kortare tid. Andre meinte slik arbeidstid vil gi rom for fleksibilitet på arbeidstakaren sine premissar. KK